هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








السبت، 6 أبريل، 2013

ستة X ستة = love


مجنون
وفاقد حنين
حزين
وصوته أنين
صدفه إجمعتهم أثنين
بلا موعد أو عناوين


تفداها عين
تحرسها عين
ساكنه عين
وتسكنها عين
أيام .. شهور وسنين


شفتها كرز وخدودها تين
ملهمه
فاتنه
ذات العقل الرزين
مكملها ربي بكل زين


هو وهي
نصين
فل وياسمين
ليل ونهار متناقضين
أرض وسما متبادين
شمس وقمر متعاهدين


بالمختصر
مغرمين
عاشقين
لبعض مكملين


صوتها هديتي وإحساس قلبي ملكٌ لهآ

الخميس، 15 نوفمبر، 2012

أجمل احساس

السلام عليكم ورحمة الله وبركاته
 
 
شحالكم واخباركم امممم ان شا الله بخير وعافيه
 
اممممم كد مره سالتو ارواحكم شو هو احمل احساس؟
 
 
مثلا كوب ماي بااااارد فعز الصيف وفي نص الصحرا
او
اممممم طوووول السنه شغل X شغل و فجأة اجازة وترقيه وعلى حساب الشغل الله وناسه
أو
واحد طالب فاااااااشل ويتريا الرسوب ويحدث خطأ في رصد النتايج ويعطونه 100% ههههه
 
 
 
لا انا اتكلم عن احساس ثاااااااااااااااااااااااني
احساس الام اللي تمت حاضنه ولدها ف جوفها
في كل ليله تعيشها تتريا انها تشوفه وتضمه
تتريا انها تضمه لصدرها وتحضنه وتشم ريحته
اتبوسه تلاعبه
وكل يوم تطلع له اسم دلع واسم عتاب
 
تترياه يكبر جدام عيونها
تحاف عليه من نفسها
وكل ليله تحلم فيه
تداريه
تصحى ميته خوف عليه
او
تصحى وهي تضحك
تتريا كلمت ماما منه
وتخبر الكل وكأنه سوى اعجوبه غيرت مجرى الكون كله بهالكلمه
 
فالختام
امممممممممم انا صرت ماما
ادعو الله ان يحفظ لي عبدالله

الثلاثاء، 7 فبراير، 2012

المسافه بيننا ماهي بعيده الجزء الثاني

من بعد باريس ما ظنيت للحكاية تكمله ..
لكني لقيته فالمطار مدري يودعني ولا أودعه ..
كنت اخفي ابتسامه فرح لان القدر جمعنا ..
وكنت اخفي دمعه حزن لان القدر يعذبنا ..
ركبت طايره للندن متوجهة ..
القدر يلعب بنا ..
جالس يمي ولا اقدر أناظره ..
ما غير أسوي روحي نايمه والبس النظارة السودا واتطالعه ..
طول الرحلة كانت عيونه علي تحرسني ..
وكانت عيوني عليه ..
لجل اشبع غرورن سكن صدري ..
وأحفظ ملامحه ..
وكل شي فيه حلو يشبهني ..
لكني ما عرفت اسمه ولا عرف اسمي ..
وصلنا لندن وخالي كان ينطرنا ..
خليتهم لسيارة يسبقوني ..
ورحت للكفتيريا أدوره ..
ما لقيته ..
طلعت من المطار مكتئبة ..
وحدن وراي يزجرني ..
" ناعمة .. ناعمة " ..
ظنيت انه من هلي ..
وقفت والتفت ..
إلا هو واقف يبتسم لي ..
مدري وش حصلي ..
ردت لي الروح ولا الروح أهجرتني ..
ريولي ما تشيلني ..
" فرحانة خافيه زعلانه و مرتعبه " ..
معرف كيف أفسرها ..
والدنيا من حولي تدور ..
وارتجف واعرق ..
وما نطقت بكلمه كنت أتمنى ألتقيه ..
ويوم التقينا تمنيت لو القدر يرجع يفرقنا ..
ما هي إلا دقايق ورجع عقلي لذاتي ..
قال : أنتي ناعمة ؟ ..
رديت الظاهر انك مشبه ..
قال بحزم : لاء ماني مشبه ..
أنتي اللي معج شي مضيعه .. رديت مستغربه ما معي شي يخصك ..
أتظنني سارقه ! ..
قال : امحشومه ..
قلبي معج وأدوره ..
لو تسمحين من أي ديره ولأي لآبه تنتمين ..
فاجأني وأظهرت علي أثار صدمه ..
يدور على قلبه معي وقلبي معه ..
قال وش فيج ساكتة ..
أنا أقطري و اسمي مايد المري ..
قلتله بعد ابتسامه لآني أقطريه ولآنك إماراتي والمعذرة ..
ما أحب آلف وأدور اسمحلي مستعجلة ..
وصلت السيارة والكل علي معصبين ..
هديتهم بنكتتين ..
وصلنا بيت خالي متأخرين ..
تعشينا وللحديقة توجهنا ..
المكان جنان ..
والجو يداعبني ..
ولكني محتارة ..
ليش قال هذا الكلام ؟!!..
يبي الوصل من صدقه أو يبي يتسلى ..
مدري أنا أحبه ولا مجرد إعجاب من سراب بيختفي بعد فتره ..


ولها بقيه