سر الاختفاء ..

صباح الخير شباب / وبنات

كيف حالكم ؟

انشاء الله بخير << يعله مديم

من فتره وانا ملاحظ انه السماعات مالت الكمبيوتر او الاب تختفي ..

قلت يمكن تضيع ..

بس محد يدش مكتبي غيري - المكتب اللي فالبيت -..

ومانع اي حد يدخله << لانه فيه ملفات واوراق مهمه ..

شريت سماعات بس في نفس اليوم تضيع ..

استغربت موب معقوله كل يوم اخليهم مكانهم منو سارقهم ..

معقوله في حرامي فالبيت ..

السالفه اكثر من مره تتكرر وتعبت كل يوم اشتري يعني ارد البيت ومعاي كيس لاني متاكد انهم بيختفون ..

تميت قريب اسبوع لين ما عرفت منو القاتل << السارق << بس اونيه المحقق كونان << خخخخ المهم تبون تعرفون ..

طلعت انا اخبيهم وما ادل ويين محطيهم ...<<< صدقتوا ليش زهايمر لاء موب انا ..

طلع ولد ربيعي جاسم العامري اسمه الهناف <<خخخ لاء انا مسميه محمد على اسم ابويه ولا هو بغى يسميه عليه لكن قلتله لا تعقد الولد كافي انا ...

المهم خلونا نرد لسالفه سالته ليش تسرقهم عنيه ..

قال : انا ما اسرقهم انا ابادلك ..

تبادلني بشوه .. قال :

انا اخذ السماعات واحط مكانهم حلاوى وبعدين انت تبي تسمع اغاني والاغاني حرام وابوي قالي كل ما بتييبها بوديك اي مكان انت تبيه ... وانا ابا اسير اماكن وااايد .. << يحليله بريء الولد لكن مقالب ابوه .. بس في لغز ثاني وين الحلاوى انا ما احصل حلاوى ...

ضحك وقال .. انا اسرق الحلاوى من اختي وهي تيي وتاخذه <<<< خخخخخخخخخخ حلوه ..

بس والله بردها له في القريب العاجل وبتسمعون الاخبار ..

سرقوا نعالي ..

كيف ابتدي ؟

في الويك اند .. طلعت مع ربعي الى مول دبي ..

الوضع طبيعي ..الا ان بدت المصخره والمصاخه >>>> ما اقصد شي غير سوالف شباب وتحديات ونكات <<<<< يعني نونس ارواحنا بطلعه شباب ..

انا وربيعي جاسم العامري دوم في مقدمه القوم ونسوي فيهم مقالب بس شكلهم حبوا يردونها باسلوب ثاني ..

اذن العشاء ورحنا نتيدد و نصلي فالمسجد ..

خلصنا صلاه ونتلفت على ربعنا ولا هم محد طبعنا ما شكينا في شي ..

رحنا ندور على نعلالاتنا << الله يعز القاري والسامع .. للاسف ما لقيناهم ..

الله على الورطه يعني لو في مسيد عادي بس في مول والله فشله ..

بس نحن ما نستحي .. ..

تمشينا فالمول حافين >>>> اللي يشوفنا يقول واحد من اثنين اي مجانين او شحاتين ..

وجسوم يقولي ( هذا اللي يشتري ماركات انا مابا اشتري ماركه عقب اليوم ) ...

بس ربعنا ندق عليهم ويحقرونا والناس حولنا يضحكون ويتلفتون ....

عاد جسوم يخاف حد يراقبه بدا يعصب سرنا محل نعل <<< الله يعزكم ...

شترينا نعل بس فالمحل لقينا ربعنا وعطونا نعلنا نحن ما صدقنا انهم هم اللي سارقين بس كفخناهم بالنعل وكل واحد خذ نصيبه ....

وفي النهايه انا وجسوم ماشي يطوفنا احنا اللي يبناهم دبي بس ردوا كنهم تكسي

دخلناهم مطعم بحجه الهدنه

ويرينا عمارنا عادي كل شي وياي حله ما اخلي حدا يعلم عليي باسلوب باب الحاره ..

مشعل وحمد وزايد وخالد وعبد الله <<< عشان كم لا تحاولون تلعبون علي

نلتقي في جنون ولكن من نوع اخر ...

السالفه 1

في يوم من الايام واحد من الربع حاول يسوي في مقلب ..
والمقلب كان انه يلصق اللاب توب مالي بالسوبر جلو الشاشه على لوحه المفاتيح ..
بدى بالتنفيذ ..وفعلا سوى اللي براسه .. وكان عقب ساعه علينا كلاس .. لكنه ما تردد .. كان يبى يتمصخر عليه ..
المهم .. سرنا الكلاس .. وكل احد بطل اللاب توب ماله .. وجسوم عيونه علي .. بطلت اللاب توب ..ومافي اي مشكله .. " جنه جام يلقط ويهه " ..
جام يبى يبطل اللاب توب ماله .. وما تبطل .. اثر واحد من الربع مبدل بين اللابتوبات كونها من نفس الماركه ..
ويهه مستوي احمر .. ونحن ناقعين من الضحك .. المهم ..
مسوي اخونا فيها فهيم قام يتصرع في القاعة جنه صافعتنه ينيه .. عاد الدكتور متخرع .. ونحن اونه زاخينه مانباه ياذي احد ..
كسر اللاب توب علشان يبطله ..
لا والشباب يخرعون الدكتور وجسوم مو مقصر جاعد يطلع اصوات غريبه عجيبه ..
طلعناه برع واونه مكتفينه كتاف عقب ما طلعنا من الحرم الجامعي .. نتفنا تنتيف .. وماخذ منا تعويضات ماديه بدال اللاب توب ماله ..
وتمينا ننسخ المحاضرات حجه .. لين ما قلنا بس ..وعطيناه طاف ..
الله يستر لا يقراها الدكتور ..