هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








الأحد، 3 أبريل 2011

سر الاختفاء ..


صباح الخير شباب / وبنات


كيف حالكم ؟


انشاء الله بخير << يعله مديم


من فتره وانا ملاحظ انه السماعات مالت الكمبيوتر او الاب تختفي ..

قلت يمكن تضيع ..

بس محد يدش مكتبي غيري - المكتب اللي فالبيت -..

ومانع اي حد يدخله << لانه فيه ملفات واوراق مهمه ..

شريت سماعات بس في نفس اليوم تضيع ..

استغربت موب معقوله كل يوم اخليهم مكانهم منو سارقهم ..

معقوله في حرامي فالبيت ..

السالفه اكثر من مره تتكرر وتعبت كل يوم اشتري يعني ارد البيت ومعاي كيس لاني متاكد انهم بيختفون ..

تميت قريب اسبوع لين ما عرفت منو القاتل << السارق << بس اونيه المحقق كونان << خخخخ المهم تبون تعرفون ..

طلعت انا اخبيهم وما ادل ويين محطيهم ...<<< صدقتوا ليش زهايمر لاء موب انا ..


طلع ولد ربيعي جاسم العامري اسمه الهناف <<خخخ لاء انا مسميه محمد على اسم ابويه ولا هو بغى يسميه عليه لكن قلتله لا تعقد الولد كافي انا ...


المهم خلونا نرد لسالفه سالته ليش تسرقهم عنيه ..

قال : انا ما اسرقهم انا ابادلك ..

تبادلني بشوه .. قال :

انا اخذ السماعات واحط مكانهم حلاوى وبعدين انت تبي تسمع اغاني والاغاني حرام وابوي قالي كل ما بتييبها بوديك اي مكان انت تبيه ... وانا ابا اسير اماكن وااايد .. << يحليله بريء الولد لكن مقالب ابوه .. بس في لغز ثاني وين الحلاوى انا ما احصل حلاوى ...

ضحك وقال .. انا اسرق الحلاوى من اختي وهي تيي وتاخذه <<<< خخخخخخخخخخ حلوه ..


بس والله بردها له في القريب العاجل وبتسمعون الاخبار ..

هناك 7 تعليقات:

daloo3a يقول...

السلاام عليكم ورحمة الله وبركاته
صباح العصر

ههههههههههه
يا حليله والله

بعد هالولد كله سرقه في سرقه
الحلااوه و السماعات

ẨĻŤỔ Ť يقول...

صباح الخير

بس ما قلت شلون جكيته ^^

TAHIR BAKRI يقول...

السلام عليكم

أضحك الله سنكم

و الله أخي الكريم أضحكتني ووجدت نفسي مضطرا لأكتب التعليق ههههههههه

شكرا لك

نشوفكم على خير

*ďĿŏŐŏ3ťỲ يقول...

هههههههههههه وربي تحفه هالولد حبيتهـ .. بسم الله عليه .. وربي يحفظهـ لكمـ

الهناف محمد آل هجرالمزروعي يقول...

دلوعة الامارات

يهلا فيج

خخخخخخخخخخخ
الله يعينا عليه

الهناف محمد آل هجرالمزروعي يقول...

صباح النور

اختي التوت

الله لايوريج الساعات اللي قعدتها تحت المكتب طلعت متكسر


خخخخخخخ

الهناف محمد آل هجرالمزروعي يقول...

اخي طارق بكري

كم سررت بتواجدك هنا


ودامت ضحكتك مسموعه