هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








الاثنين، 1 نوفمبر، 2010

اكبر خطا ان تصحح الحزن بكذب ؟!


بعد وفاة زوجتي وبنتي .. انعزلت عن الناس .. الكل يقدملي الحلول .. كنت ارفض .. لكني ما تحملت زنهم .. ورغبتهم اني اتزوج .. وسويت اللي بغو .. لكن النتيجه اني ظلمت انسانه ..




بدايه


عندي كلمه ياحبيبي ..


قبل تبدا مسرحيه


كذبنا ..


جا الوقت اللي فيه اعترف ..


واوراق الحقيقة


تنكشف ..


كبرياء


يا حبيبي ..


لا تعذبني..ولا تعاتبني..


لا تبكيني..


خلك بعيد لا تحاتيني..


خل المسافه بيننا ..


قرب الثرى ..


لثريا..


انكسار


عفوا ..


يا حبيبي ألحين ودك ..


تراضيني ..


عفوا ..


ترى سمعي خفيف..


أنت اللي تقول ارجوك ..


سامحيني ..


صدق ..


الدنيا تتغير ...


عتاب


يا حبيبي..


ترى دنياك ما تغيرني ...


وعن قراري ..


ما تنحيني ..


ودي لو آتلذذ يا حبيبي ..


بتعذيبك ..


بذكرياتي ..


بدمع عيني ..


بجرح قلبي وانيني ...


وباسم غايه ..


يا حبيبي تصبحني .. تمسيني ..


وتقتلني ..


ولو انك اشتقت لي .. وبقيت تناديني ..


اتذكر ..


شو تسميني ..


يا شيخه الزين ..


يا نور عيني .. واحلى سنيني ..


ودي اضحك ..


لكن ..


بي غصه تخنقني .. تبكيني ..


كنت اسمع هالكلام ..


لكن به ما تناديني ..


كنت توجهه لحدن غيري ..


حدن ثاني ..


ذكريات ممزقه


اتذكر يا حبيبي ..


تالي الليل ترجعلي ..


تحاسبني .. وتجرحني ..


قلبي اكتملت مساحاته ..


ما يحتمل زود .. صدقني ..


آآخ يا كبر طعناتك ..


تراها لهالوقت توجعني ..


تضايقني ..


وبعض احيان تجنني ..


كل هذا ..


وتجي لجل تطمني ..


إنك مسامحني ..


حلم


انا ما انكر اني ..


رسمت قصه حب بينك وبيني ..


صورتها بتلاويني ..


وبملامحها تحتويني ..


رسمت ..


تفاصيل الحياه بكل معانيها ..


سعادتنا .. وابتسامتنا ..


ويا حلو مقالبنا ..


وانت بعشق تهتويني ..


بهذاك الوقت ..


كنت طفله ..


تظلمني .. تزعلني ..


وكثير ساعات تبكيني ..


لكني ..


بسرعه انسى ..


وارضى ..


وانت تقسى ..


وتدور على مرسى ..


ذكرياتي اليمه ..


لكن حياتي معك اكبر جريمه ..


أمل


تبيني اسامحك ..


واحط ايدي بايدك ..


تبي اربط مصيري يا حبيبي ..


في مصيرك ..


تبي انسى قسوة الماضي معاك..


تبي تعوضني عن اللي ..


ضاع مني ..


وفات ..


انت تبي تنهيني ..


فراق


ابتعد عني ..


انساني ..


وريحني ..


ترى ذكراك تجرحني ..


لا تنتظر وتقول ..


سامحيني ..


ما ودي اشوفك منكسر ..


ولا ودي اشوف دموع عينك ..


عشان ما اطيح من عيني ..


اعتراف


انا الين الحين ..احبك ..


ولا عمري .. كرهتك ..


ومن زمان .. سامحتك ..


وارجوك ..


ورقه طلاقي ..تهديني ..

هناك تعليقان (2):

daloo3a يقول...

الله يرحمهم و يرحم امواات المسلمين

اممممم .. بس الواحد يعيش حياته و ينسى الماضي

لأنه لو صار يتذكر الماضي ماراح يعيش ماراح يقدر يكمل حياته و بيظلم ناس وايد مالهم ذنب ^^

الهناف محمد آل هجرالمزروعي يقول...

اول شي لج الشكر على المتابعه

مع اني منقطع دوم وما اتواجد بسبب الاشغال


امممممممم

والله يرحمهم وفي الينه ان شاء الله ويغفرلي خطأي واجتمع وياهم باذنه تعالى


حياتي بدت من جديد مع زوجتي ,,,, بعدنا عن بعض شوي وما تحملنا وردينا لبعض واهي الين حامل وان شاء الله تييب مزنه بدل اللي راحت