هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








الاثنين، 28 مارس 2011

البيت الميت







مساء الخير على الجميع






حياكم الله وبياكم






العنوان غريب .. بس حقيقي ..


اول ما دخل ولد عمي البيت قال هالكلمه ..


قلت لنفسي عادي البيت هادي لدرجه انه ينسمع صدى صوت الواحد يوم يكلم عمره ..


لكن هذي حقيقه ليش بيتنا نحن ميت ..


ابوي وامي وانا واختي وزوجتي اللي باقين فالبيت بعد ما طلعوا اخواني نواف والياه << او الهياس مثل ما احب اناديه ..


كانوا اليهال مالين البيت علينا حياه وصراخ وهواش وهاه انتبه يمكن تعور روحك ..


ولله هذيك الحزه حبيت اركب الموتر واسير اييبهم يباتون عندنا ..


لكن ما يحتاج دام حارب او حويرب مثل ماينادونه ..


موجود هي خمس دقايق الاديكور البيت معتفس .. وخمس دقايق الا الخدامه تصارخ ..


ماري ليش تصارخين .. (هدا داخل تلاجا)


قلت لحروب ليش تسوي هالمشاكل .. رد : بيتكم ميت ما فيه حياه ... لازم تعيشون في جو غير ...


حارب موب صغير ولا مينون بس كل شي يسويه مقتنع فيه لو يموت .. او حد من الاهل ينازعه ..


الامور عنده بسيطه .. فاتوره المخالفات يتسلفها << عادي مايسد معاشه .. عايش ليومه وبس ..


ماعرف ليش جا على بالي .. او اقولكم ليش .. لانه قالي " انا اسعد انسان فالكون " ..


هل هو اسعد انسان ؟! يمكن ليش لاء انسان مثله ماشي بقلبه كره او حقد او غيره او جرح او خيانه ..


حتى لو في عنده زر الديليت ..


ياليت لو عندي نفس هالزر .. يمكن كان ارتحت من اشياء كثيره حولي تاذيني ..


او يمكن امسح خيالي اللي يجرحني .. كان مسحت كلمه لو من حياتي ..




"في النهايه ادركت ان البيوت الميته تحوي قلوب ميته" ..






همسه لي ولمن هم مثلي


حين يقتلك خيالك فلا عودة للواقع !

هناك 8 تعليقات:

daloo3a يقول...

الهناف
احسك وايد مجروووح ماعرف ليش ...
بس الصراحه حرووب حبتين والله خخخخخخ
انا بعد ماحب اشوف المكان هادي لازم اسوي شي ...

ييبو عيال وايد و إذا تبوون بنسلفكم عادي بس شلوهم هههههه



^^

الهناف محمد آل هجرالمزروعي يقول...

آآآآخ ياكبر الجروح

خليها على الله والله يسامحهم

انا ما اعرف شي واحد في حياتي << البنات يقولون اني حزين .. بس الشباب << يقولون اني قاسي ..


اما البارح سرت تسلفت عيال اخواني وبت وياهم فالحجره .. وما سرت الدوام لاني اصلا ما رقدت نفس الناس ... خخخ

ترى محد يحس بغلاة الشي الا عقب ما يروح منه


تحيتي لكي

daloo3a يقول...

بس الدنيا ما توقف على انسان جرحك
حتى لو كان هو شي بنسبالك

كمل حياتك و عيشها عقب بتندم والله

بس نصيحتي عيشها بحلوها و مرها
و اترك الهموم لغييرك

Miss Dreamer يقول...

يا قلبي عليك يا اخوي .. اذا انت قلبك ميت انا قلبي كله حياه علدي نتبادل خخخخـ وحروب موب مخلي حد فحاله صدقني مينون خخخخـ ادري ما رح ترد بس حبي تنصدم يوم تشوفني سويت مدونه شرواك ^_^

الهناف محمد آل هجرالمزروعي يقول...

اختي دلوعه الامارات

للاسف الناس ما يحسون يوم يجرحون حد وكن الامور سهله ووووبسيطه ممكن انهم يدمرون حياة ناس بسبه كلمه سخيفه لكن لها معاني كثيره ..

وحياتي تمشي واعيشها بحلوها ومرها لانها عمرها ما بتوقف تنطر حد ..

لكي ودي وتقديري ..

الهناف محمد آل هجرالمزروعي يقول...

يا قلبي عليك يا اخوي .. اذا انت قلبك ميت انا قلبي كله حياه << ادريبه مايحتاي ما شاء الله عليج كنج حروب ..


علدي نتبادل خخخخـ <<< ياليت خخخ

وحروب موب مخلي حد فحاله صدقني مينون خخخخـ <<< والله هو الصاحي الوحيد خخخ ومرتاح بعد ...


ادري ما رح ترد بس حبي تنصدم يوم تشوفني سويت مدونه شرواك ^_^<< انتي ما تصدقين يعني قلتلج اتحداج وبسرعه سويتي مدونه <<< انتي سبب جنوني خخخ

وبعدين ليش مابا رد عادي ارد متاخر خخخ

ṦởỠỡmά يقول...

رااااقتـ لي
تقبل مرووري

الهناف محمد آل هجرالمزروعي يقول...

وراق لي تواجدك ..

لا حرمنا منه ..