هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








الاثنين، 7 مارس، 2011

Majno0oN



تدرون ..


وش ودي بهاللحظه يكون ..


ودي لو انتشي الفرحه ..


ويلفني هدوء وسكون..


ودي لو اغمض هالعيون..


لآلآآآآآ..


ودي انسى هالعالم ..


وانسى من اكون ..


ودي ..


ادفن خوف في صدري


سكن ..


ودي أكون ..


مجرم بلا احساس وشعور ..


احمل سلاح ..


يقتل اطفال في عمر الزهور ..


ويحرم ام من البسمه دهور ..


ودي لو في كل يوم ..


اسمع نواح الارامل واليتامى ..


مودعين ..


هالجثث للقبور ..


ودي لو اشعل نار بهالعالم ..


واقضي على الامن في كل البلاد ..


وفي كل الصدور ..


ودي ..


ازرع الخوف ..


ودي ازرع فالعالم شرور ..


ودي انسى


دموع سالت على خدي قهر ..


ودي اصرخ واقتل العبرة


لي اخنقتني


من دهر ..


ودي مثل البشر لي حولي


اكون ..


كان عندي امل .. }


ان الناس يتغيرون ..


لكني ..


بهاليوم .. قتلت كذب الامل ..


قتلت اوهام في بالي


{ تطوف ..


ودي ..


اكون مثل الناس .. بلا شعور ..


ما همني ..


غير نفسي ومن اكون ..


طمع ..


جشع ..


ودموع اطفال قد تهون ..


وحقوق ضاعت ..


يا ترى من يصون ..


اسمع صوت وبصمت ..


يصرخ يقول ..


ظلم .. ظلم .. ظلم ..


أبآ اسأل ..


من متى فالبشر يبيعون ..


ويشترون ..


ومن متى الاخوان يتسابقون..


من اول يخون ..


وهذا الطفل اللي حولي يدور ..


يضحكـ..


لكن ضحك مليان ..


دموع وشجون ..


يسقط الطفل عالارض ..


يبكي .. يثور ..


ينتظر ..


الام الحنون ..


لكنها مشغوله بمكياج .. وحمره خدود ..


ورموش العيون ..


تنتبه امه .. بعد..


ما جفف دمعه .. بكمه .. شرى اليتيم ..


راح يلعب عالرصيف ..


والموت والساعه


يتسابقون ..


روحه وجسمه يتصارعون ..


موت .. وحياه ..


موت .. وحياه ..


الطفل يخيرون ..


لكن ..


عيونه تلتفت ناح امه ..


وهي بعيده .. وما درت عنه ..


اسمعه يقول ..


آآآآآآآآآآهـ يمه ..


ليه عني تبعدين ..


ما يأثر لو اموت ما تزعلين ..


ولا تسألين ..وووووين ولدي .. ويـــــن ..


يالقدر .. اختار موتي من حياتي ..


ومن طيور الجنه اكون ..


طيش الشباب .. واهمال ام ..


والقدر ..


يتسائلون ..


عن اسباب موته .. ثم ينكرون ..


حملوها عالقدر ..


وفي كل مره بكلمه (( لو )) ..


ينطقون ..


هذا فصل من فصول الحياه ..


اللي بها تهيمون ..


ونتوا على الباقي تتسترون ..


وتستهترون ..


والخطا ما تشوفون ..


انا موب منكم ..


ولا في لحظه رح اكون ..


لاني في دنيتي ..


مجنون ..


هناك تعليقان (2):

daloo3a يقول...

السلاام عليكم ورحمة الله وبركاته
اممم حلوه الخاطره
بس ليش حزينه وايد ؟
امممم يمكن معظم الكلاام يكون حقيقه
بس كيف الناس ما عندهم احساس
شعور يخوف

الهناف محمد آل هجرالمزروعي يقول...

موب حزينه

بس كنت معصب يوم كتبتها

ومن اللي نشوفه في الاخبار

نجذب لو نضحك

دمتي بود