الاثنين، 15 يونيو 2009
السالفه 1
في يوم من الايام واحد من الربع حاول يسوي في مقلب ..
والمقلب كان انه يلصق اللاب توب مالي بالسوبر جلو الشاشه على لوحه المفاتيح ..
بدى بالتنفيذ ..وفعلا سوى اللي براسه .. وكان عقب ساعه علينا كلاس .. لكنه ما تردد .. كان يبى يتمصخر عليه ..
المهم .. سرنا الكلاس .. وكل احد بطل اللاب توب ماله .. وجسوم عيونه علي .. بطلت اللاب توب ..ومافي اي مشكله .. " جنه جام يلقط ويهه " ..
جام يبى يبطل اللاب توب ماله .. وما تبطل .. اثر واحد من الربع مبدل بين اللابتوبات كونها من نفس الماركه ..
ويهه مستوي احمر .. ونحن ناقعين من الضحك .. المهم ..
مسوي اخونا فيها فهيم قام يتصرع في القاعة جنه صافعتنه ينيه .. عاد الدكتور متخرع .. ونحن اونه زاخينه مانباه ياذي احد ..
كسر اللاب توب علشان يبطله ..
لا والشباب يخرعون الدكتور وجسوم مو مقصر جاعد يطلع اصوات غريبه عجيبه ..
طلعناه برع واونه مكتفينه كتاف عقب ما طلعنا من الحرم الجامعي .. نتفنا تنتيف .. وماخذ منا تعويضات ماديه بدال اللاب توب ماله ..
وتمينا ننسخ المحاضرات حجه .. لين ما قلنا بس ..وعطيناه طاف ..
الله يستر لا يقراها الدكتور ..
الاشتراك في:
تعليقات الرسالة (Atom)
هناك 4 تعليقات:
هنافوه صج سويتوها في انت ومشيعل ذيك اليوم لكن مو دوم ترى في سوالف لازم تكتبها للمصداقيه العلميه ههه
أخوك جسوم العامري
ههههههههه
أماعليكم مقالب..~ قوووويه..~
بس خله يستاهل.. ||من حفر حفرة لأخيه وقع فيها||..~
بس اكيد من عقبها طفر الدكتور منه.. وخاف.. لا يعق له شيء من سكونه..خخخخخخ..~
صج انكم ميانين ما عندكم سالفه ههههه تخربون عبعض
ان شاء الله الياي العن من جيه ..
على اطلاع باليديد ..
نعووم
ههههههههههههههه
يا حيلكم والله
سوااالف
إرسال تعليق