هذه المدونه هي همسه لكل زائر ومتابع لها اتمنى افاده من حولي بها..

قد تحوي مشاكل وجروح ..تبحث عن حل ..او انها تخفي بين طياتها بكاء ونوح ..

آلام نخفيها ونداويها .. هي همس واقعنا وبكاء قلوبنا ..
قلوب تنزف من حولنا ..لترسم واقعا به ايام تمزقت .. واحلام تدمرت ..
هي صدى لواقع نعيشه ..

هنا نجد بسمه .. وهناك تشق الدموع طريقها ..

حلم ندفنه وامل ننتشله .. هي مني كما اني جزء منها تتحدث عني وعنكم وعنا جميعنا ..

لانها مجرد حياه انسان ..








الاثنين، 15 يونيو 2009

السالفه 1


في يوم من الايام واحد من الربع حاول يسوي في مقلب ..
والمقلب كان انه يلصق اللاب توب مالي بالسوبر جلو الشاشه على لوحه المفاتيح ..
بدى بالتنفيذ ..وفعلا سوى اللي براسه .. وكان عقب ساعه علينا كلاس .. لكنه ما تردد .. كان يبى يتمصخر عليه ..
المهم .. سرنا الكلاس .. وكل احد بطل اللاب توب ماله .. وجسوم عيونه علي .. بطلت اللاب توب ..ومافي اي مشكله .. " جنه جام يلقط ويهه " ..
جام يبى يبطل اللاب توب ماله .. وما تبطل .. اثر واحد من الربع مبدل بين اللابتوبات كونها من نفس الماركه ..
ويهه مستوي احمر .. ونحن ناقعين من الضحك .. المهم ..
مسوي اخونا فيها فهيم قام يتصرع في القاعة جنه صافعتنه ينيه .. عاد الدكتور متخرع .. ونحن اونه زاخينه مانباه ياذي احد ..
كسر اللاب توب علشان يبطله ..
لا والشباب يخرعون الدكتور وجسوم مو مقصر جاعد يطلع اصوات غريبه عجيبه ..
طلعناه برع واونه مكتفينه كتاف عقب ما طلعنا من الحرم الجامعي .. نتفنا تنتيف .. وماخذ منا تعويضات ماديه بدال اللاب توب ماله ..
وتمينا ننسخ المحاضرات حجه .. لين ما قلنا بس ..وعطيناه طاف ..
الله يستر لا يقراها الدكتور ..

هناك 4 تعليقات:

غير معرف يقول...

هنافوه صج سويتوها في انت ومشيعل ذيك اليوم لكن مو دوم ترى في سوالف لازم تكتبها للمصداقيه العلميه ههه
أخوك جسوم العامري

mese يقول...

ههههههههه

أماعليكم مقالب..~ قوووويه..~

بس خله يستاهل.. ||من حفر حفرة لأخيه وقع فيها||..~

بس اكيد من عقبها طفر الدكتور منه.. وخاف.. لا يعق له شيء من سكونه..خخخخخخ..~

غير معرف يقول...

صج انكم ميانين ما عندكم سالفه ههههه تخربون عبعض
ان شاء الله الياي العن من جيه ..
على اطلاع باليديد ..
نعووم

daloo3a يقول...

ههههههههههههههه


يا حيلكم والله


سوااالف